- Cystadlu
- Rhaid cofrestru a chyflwyno holl gyfansoddiadau'r adran yn ddigidol drwy wefan yr Eisteddfod, gan uwchlwytho gwaith wrth gwblhau’r broses cyn y dyddiad cau perthnasol
- Ni dderbynnir copïau caled o'r cyfansoddiadau
- Rhaid cyflwyno'r cyfansoddiadau llenyddol ar ffurf Microsoft Word (oni bai nodir yn wahanol)
- Cyfyngiadau
- Ni chaniateir anfon yr un gwaith yn ei hanfod i fwy nag un gystadleuaeth.
- Ni chaniateir anfon unrhyw waith at gyhoeddwr hyd nes y bydd y feirniadaeth wedi’i chyhoeddi yng nghyfrol y Cyfansoddiadau a Beirniadaethau yn ystod wythnos yr Eisteddfod
- Rheol Iaith
- Ni dderbynnir gwaith sy’n defnyddio deunydd neu gyfeiriad enllibus.
- Tynnir sylw’r cystadleuwyr at Reol Iaith yr Eisteddfod – Gweler amod Iaith yn Rheolau ac Amodau Cyffredinol.
- Deallusrwydd Artiffisial (D.A) Artificial Intelligence: Ni chaniateir meddalwedd sydd yn defnyddio deallusrwydd artiffisial i greu neu gynorthwyo yn y broses o greu cyfansoddiadau sy’n cystadlu yn yr adran hon.
- Cystadleuaeth y Goron: Cystadleuaeth ar gyfer cerdd neu gerddi ar y mesurau rhydd neu benrhydd yw cystadleuaeth y goron ac ni chaniateir cerddi ar y mesurau caeth traddodiadol. Ni chaniateir ond defnydd achlysurol iawn o’r gynghanedd yn y gystadleuaeth.
- Gwobr Goffa Daniel Owen: Cofrestru a chyflwyno cyfansoddiadau yn ddigidol drwy system gofrestru ar wefan yr Eisteddfod erbyn 1 Hydref 2024
- Y Fedal Ryddiaith: Cofrestru a chyflwyno cyfansoddiadau yn ddigidol drwy system gofrestru ar wefan yr Eisteddfod erbyn 1 Rhagfyr 2024
- Ymrwymiadau: Os oes gan gystadleuydd ymrwymiad fel awdur gyda chyhoeddwr arbennig, rhaid iddynt roi enw’r cyhoeddwr, ynghyd â’u henw a manylion cyswllt wrth gofrestru.
DS Dylech sicrhau eich bod wedi darllen y Rheolau ac Amodau Cyffredinol cyn cystadlu.